د/عبدالرازق محمد
هي أكثر عمليات السمنة انتشارا وهي مناسبة للأشخاص اللي معدل كتلة الجسم ليهم اكتر من ٣٠ وكمان عندهم شراهة كبيرة للنشويات ومش بيعانوا من ارتجاع المرئ المرضي ومعندهمش شراهة كبيرة للحلويات وقت العملية حوالي ٣٠ دقيقة فقط العملية بتتمً بالمنظار عن طريق فتحات صغيرة جدا في جدار البطن لا تتعدي ١ سم وبدون اثر للجروح وبيتم فيها استئصال من٧٠ل٨٠٪ من حجم المعدة لتقليل كميات الاكل وكمان بيتم استئصال قبة المعدة اللي بتفرز هرمون الجوع وبالتالي عملية تكميم المعدة تقلل إحساس الجوع بدرجة كبيرة جدا ومش بس كده العملية بتزود الحرق حوالي ١٠ اضعاف
عملية تحويل المسار مناسبة للمرضي اللي عندهم شراهة كبيرة للحلويات اوً مرضي ارتجاع المرئ او مرضي السكر من النوع الثاني وبتعتمد علي عمل جيب للمعدة وتوصيل الجيب ده بالامعاء علي بعد حوالي ٢ متر وبكده بيقل امتصاص السكريات بشكل كبير وتبلغ نسبة الشفا من السكر مع عملية تحويل المسار ٩٨٪
عملية الساسي من العمليات الحديثة اللي بتجمع بين تكميم المعدة وتحويل المسار حيث يتم عمل تكميم المعدة وتوصيل المعدة المكممة بالامعاء علي بعد حوالي ٢ متر وبكده بيكون فيه مسارين للاكل المسار الطبيعي زي التكميم ومسار تاني زي تحويل المسار وبكده نكون خدنا مميزات التكميم في تقليل كمية الاكل ومميزات تحويل المسار في تقليل امتصاص السكريات
بالون المعدة مناسب للمرضي اللي معدل كتلة الجسم عندهم اقل من ٣٠ ومحتاجين ينزلوا من ١٠ل٢٠ كجم وبيتم تركيبه عن طريق المنظار من الفم بدون جراحة عن طريق ابرة منومة وبيتم ملء البالون بحجم من ٥٥٠مللي ل٧٠٠ مللي من سائل معين وبكده بيدي المريض إحساس سريع جدا بالشبع وبيتم إزالة البالون بعد ٦ شهور لسنه حسب نوعه والمريض بيمشي اول ٣ أيام سوائل وبعد كده بندخل الاكل المهروس تدريجيا .متاح اكثر من نوع للبالون زي البالون الروسي والفرنسي والامريكي وافضلهم البالون الأمريكي
الكبسولة الذكية اوًالمبرمجة هي من الوسائل الحديثة جدا في انقاص الوزن حيث يتم تركيبها بدون تخدير وبدون جراحة وبدون الدخول لغرفة العمليات .بيتم تركيب الكبسولة بالعيادة عن طريق بلعها بكمية من المياه حتي تستقر بالمعده وبيتم تصوير اشعة للتاكد من وصولها للمعده ثم يتم ملء الكبسوله بسائل معين وتصوير اشعة مرة اخري وبعد كده المريض يقدر يروح بيته مباشرة والكبسولة بتساعدنا نفقد من ١٠ل٢٠كجم وكمان مش بنحتاج نشيلها لانها مصنوعه من مواد تتحلل من تلقاء نفسها وتخرج مع الفضلات بعد ٤ل٥ شهور
عمليات التصحيح بتتم في حالة فشل جراحات السمنه في الوصول للوزن المثالي او في حالة زيادة الوزن مرة اخري او في حالة حدوث مضاعفات وجراحات التصحيح بتحتاج خبرة كبيرة جدا للجراح لوجود التصاقات من العملية السابقة وكمان نوع معين من الغيارات لان الانسجة بتكون سميكة جدا وبيتم عمل اشعة مقطعية ثلاثية الابعاد علي المعدة لتحديد العملية المناسبة للتصحيح . في حالة فشل عملية تكميم المعدة بيتم التصحيح غالبا عن طريق تحويل المسار المصغر